ممبئی(نیوز ڈیسک) بالی ووڈ کے نامور سپر اسٹار عامر خان نے خشک سالی سے متاثرہ مہاراشٹرا کے دو دیہاتوں کو گود لے کر ان کی حالت کو بہتر بنانے کا عزم کرلیا۔ تفصیلات کے مطابق عامر خان نے حالیہ دنوں میں انڈیا میں خشک سالی سے متاثرہ علاقوں کا دورہ کیا. اس دوران ان کا سامنا ایسے دو دیہاتوں سے ہوا جو خشک سالی، پانی کی کمی کی وجہ سے بری طرح متاثرتھے۔ یہ دونوں دیہات تال اور گورےگاوں ستارہ ڈسٹرکٹ میں ہیں۔عامر خان اپنی این جی او پانی فاونڈیشن کے ساتھ خشک سالی سے متاثرہ 120 سے زائد دیہاتوں میں امدادی کاموں میں فلاحی کام کر رہے ہیں. انہوں نے اس بات پر زور دیا ہےکہ عوام حکومت کی جانب سے شروع کئے جانے والے منصوبوں کو کامیاب بنانے میں حکومت کا ساتھ دیں۔مہاراشٹر میں روز بروز پانی کا بحران سنگین نوعیت اختیار کرتا جارہاہے. اس بحران کو مستقل بنیادوں پر حل کرنے کے لئےعوام کو حکومت کی جانب سے شروع کئے جانے والے پروجیکٹ جل یکتا شیور سمیت دیگر منصوبوں کو کامیاب بنانے میں اپنا کردار ادا کرنا ہوگا۔واضح رہے کہ اس سے پہلے 2001 کے زلزلے میں گجرات کے متاثرہ دیہاتوں کو سپراسٹار نے گود لیا تھا۔