ریاض(نیو زڈیسک) سعودی دارالحکومت میں 4ماہ کے عرصہ میں 400غیر مسلم خواتین نے اسلام قبول کرلیا ۔ ایک رپورٹ کے مطابق سعودی عرب کے شہر ریاض میں بیرون ممالک سے آئی ہوئی ملازمت پیشہ خواتین کی اسلام میں بڑھتی ہوئی دلچسپی کا شاندار نتائج برآمد ہو رہے ہیں ۔گزشتہ چار ماہ کے دوران صرف ریاض شہر میں رہائش پذیر 400خواتین نے اسلام قبول کیا ہے ۔امام محمد بن سعود اسلامک یونیورسٹی کے سٹوڈنٹ اسٹڈی سنٹر کی نائب سیکرٹری زینب بنت عبداللہ الراحجی قبول اسلام تقریب کی مہمان خصوصی تھیں جنہوں نے نو مسلم خواتین کے متاثر کن تاثرات سنے اور انہیں اسلام جیسے عظیم مذہب میں شمولیت پر مبارکباد دی ۔نو مسلم خواتین نے کہا کہ اسلام سے بڑھ کر خواتین کے حقوق کسی مذاہب میں نہیں ہیں ،اسلام کے متعلق پوری دنیا میں ہونیوالے منفی پراپیگنڈہ اسلام کی بڑھتی ہوئی قوت اور تعداد کو نہیں روک سکتا،بعدازاں نو مسلم خواتین کے اسلامی نام رکھ دئیے گئے اور انہیں اسلامی شعار کی باقاعدہ تعلیم کا آغاز کردیا گیا ۔