لا ہور (نیوز ڈیسک )پاکستان کے صوبہ پنجاب کے دارالحکومت لاہور کی کوٹ لکھپت جیل میں گذشتہ کئی برس سے قید انڈین شہری کرپال سنگھ کا انتقال ہوگیا ہے۔جیل انتظامیہ کا کہنا ہے کہ پیر کے روز سہ پہر تین بجے کرپال سنگھ کی طبعیت ناساز ہوئی تو انھیں لاہور کے جناح ہسپتال منتقل کیا گیا لیکن وہ جانبر نہ ہوسکے۔جیل اہلکاروں کا کہنا ہے کہ ہسپتال کی جانب سے کرپال سنگھ کی موت کی وجہ حرکت قلب کا بند ہو جانا بتائی گئی ہے۔
آئی جی جیل خانہ جات فاروق نذیر نے بی بی سی کو بتایا کہ بظاہر کرپال سنگھ کی ہلاکت حرکت قلب بند ہوجانے کے باعث ہوئی ہے۔ تاہم اس حوالے سے قواعد و ضوابط پر مکمل عمل درآمد کیا جائے گا اور کرپال سنگھ کا پوسٹ مارٹم کروایا جائے گا۔
انڈین ذرائع ابلاغ کے مطابق کرپال سنگھ کا تعلق گرداسپور سے تھا۔ انھیں سنہ 1992 میں غیرقانونی طریقے سے پاکستان داخل ہونے، پاکستانی پنجاب میں ہونے والے بم دھماکوں میں ملوث ہونے اور جاسوسی کے الزامات پر موت کی سزا دی گئی تھی اور وہ گذشتہ تقریباً 24 برس سے کوٹ لکھپت جیل میں قید تھے۔لاہور ہائیکورٹ نے بم دھماکوں میں کرپال سنگھ کے ملوث ہونے کے الزامات سے تو انھیں بری کردیا تھا تاہم ان کی موت کی سزا کو ختم نہیں کیا گیا تھا۔
اس سے پہلے سنہ 2013 میں کوٹ لکھپت جیل میں ہی ایک انڈین قیدی سربجیت سنگھ پر ان کے ساتھیوں نے حملہ کیا تھا جس میں وہ ہلاک ہوگئے تھے۔
سربجیت سنگھ پر بھی 90 کی دہائی میں پاکستانی پنجاب کے مختلف شہروں میں ہونے والے بم دھماکوں میں ملوث ہونے کا الزام تھا۔ جس پر انھیں موت کی سزا دی جاچکی تھی۔
لاہور کی جیل میں انڈین قیدی کی موت، وجہ بھی سامنے آگئی
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
’’پیٹر تم دس دن کہاں غائب رہے‘‘
-
پیٹرولیم مصنوعات کی قیمتوں میں کمی کا اعلان
-
پنجاب میں عیدالاضحیٰ تعطیلات کا اعلان، سرکاری دفاتر بند رہیں گے
-
8سالہ پاکستانی نژاد بچے نے ناسا کی غلطی پکڑلی، ایجنسی کا نشاندہی پر شکریہ
-
سونے کی قیمت میں حیران کن کمی
-
محمد عامر کی شاہین آفریدی کے بارے میں تین سال قبل کی گئی بات سچ ثابت ہوگئی
-
بجلی کے بل پر کیو آر کوڈ کی آڑ میں صارفین کی معلومات چوری ہونے کا خدشہ،پاورڈویژن نے ایڈوائزری جاری...
-
ٹرمپ نے بیٹے کی شادی میں شرکت سے انکار کیوں کیا؟ وجہ سامنے آگئی
-
ایران نے امریکہ سے مذاکرات کے لیے وفد کے ناموں کا اعلان کر دیا
-
ایف آئی اے کی کارروائی، آسٹریلیا جاکر ہم جنس سے شادی اور سیاسی پناہ کی کوشش کرنیوالا پاکستانی گرفتار
-
بجٹ سے پہلے بڑا دباؤ، سرکاری ملازمین کے لیے تنخواہوں میں 100 فیصد اضافہ اور پنشن بحالی کا مطالبہ
-
بغیر کسی ایڈوانس کے مفت میں خواتین کو پنک اسکوٹیز دے رہے ہیں، بڑا اعلان
-
پاکستان میں چاندی کی قیمت میں اضافہ، فی تولہ نئی قیمت جاری
-
16سالہ کینسر کی مریضہ سے اجتماعی عصمت دری



















































