لاہور(نیوزڈیسک) ماں بچے کی صحت پروگرام کے ہزاروں ملازمین کو بے روزگار کرنے کا خدشہ پنجاب بھر کے ملازمین نے احتجاجی تحریک چلانے کا اعلان کردیا۔ تفصیلات کے مطابق میٹرنل نیوبوان اینڈ چائیلڈ ہیلتھ پروگرام کے پنجاب بھر سے 4600ملازمین جن میں لیڈی ڈاکٹرز، سوشل آرگنائزر، لیڈی ہیلتھ وزیٹرز، سٹاف نرسز، اکاﺅنٹنٹ، کمپیوٹر آپریٹرز، سکیورٹی گارڈ اورڈرائیورز شامل ہیں۔ ماں اوربچے کی بڑھتی ہوئی شرح اموات کو کم کرنے اور ان کی صحت کو بہتر بنانے کےلئے ہمہ وقت کوشاں ہیں ان خیالات کا اظہار ایم این سی ایچ ایمپلائزایسوسی ایشن پنجاب کے صدر افضل کامیانہ اور دوسرے سینیر عہدیداران نسرین سلطانہ، مشتاق احمد تارڈ، عظمیٰ جاوید، مس شبانہ، امجد محمود ودیگر نے ایکسپریس کانفرنس میں کیا۔ انہوںنے کہا کہ تمام ملازمین عرصہ دراز سے کنٹریکٹ پر تعینات ہیں جنکو مستقل کرنے کے خواب دکھائی جاتے رہے مگر بیوروکریسی کی ہٹ دھرمی کی وجہ سے ملازمین مستقل نہ ہوسکے۔ افضل کامیانہ نے کہا 19اپریل کو پنجاب بھر میں 24/7 بنیادی مراکز صحت، اورل ہیلتھ سنٹر پر تعینات عملہ ودیگر ضلعی ایم این سی ایچ مینجمنٹ یونٹ کام نہیں کرینگے اور پنجاب بھر کے تمام ملازمین پنجاب اسمبلی کے باہر اپنے مطالبات کے حق میں تاحکم ثانی دھرنا دینگے۔ ہزاروں ملازمین کو پی سی ون کی مقررہ معیارد30جون2016مکمل ہونے پر فارغ کرنے کے خلاف سراپا احتجاج ہونگے مقررین نے وزیراعلیٰ پنجاب سے مطالبہ کیا ہے کہ ہزاروں خاندانوں کا معاشی قتل نہ کیا جائے اورتمام ملازمین کو ریگولر کرکے سروس سٹرکچر کی منظوری دی جائے۔