اسلام آباد (نیوزڈیسک) پارلیمنٹ کا مشترکہ اجلاس 19 روزہ وقفے کے بعد آج ( پیر) کو ہو گا قومی اسمبلی اور سینٹ کے مشترکہ اجلاس میں پی آئی اے کو لمٹیڈ کمپنی بنانے سمیت چھ بلز منظوری کے لئے پیش کئے جائیں گے ان بلوں میں ایک حکومت جبکہ پانچ اپوزیشن کی جانب سے پیش کئے جائیں گے ۔پی آئی اے سمیت پانچ بلز اتفاق رائے سے منظور جبکہ غیرت کے نام پر قتل بل کی بعض شقوں پر مذہبی جماعتوں کی جانب سے اعتراض کے باعث اس کو ملتوی کئے جانے کا امکان ہے ۔ ادھر پیپلزپارٹی نے حکومت کو ٹف ٹائم دینے کا فیصلہ کیا ہے اس سلسلے میں پارٹی کا پارلیمانی پارٹی کا مشترکہ اجلاس طلب کر لیا ذرائع کے مطابق وفاقی حکومت مشترکہ اجلاس میں پی آئی اے کی نجکاری سمیت دیگر اہم بلوں کو پاس کرانے کی کوشش کرے گی جبکہ اپوزیشن مل کر پانامہ لیکس سمیت دیگر ایشوز پر بھرپور احتجاج کرے گی ۔ ذرائع کے مطابق پ آئی اے کا بل پاس ہونے کے موقع پر شدید احتجاج کیا جائے گا اور پانامہ لیکس کے مسئلہ کو اٹھایا جائے گا ۔