اسلام آباد (این این آئی)محکمہ موسمیات نے کہاہے کہ شمال مشرقی بلوچستان میں(آج) اتوار کو چند مقامات پر تیز ہواؤں اور گرج چمک کیساتھ مزید بارش کاامکان ہے۔محکمہ موسمیات کے فورکاسٹنگ آفیسر محمد فاروق نے بتایا کہ(آج) اتوار سے سوموارکے دوران فاٹا، خیبر پختونخواہ (پشاور،مالاکنڈ ، ہزارہ ،مردان،کوہاٹ،بنوں، ڈی آئی خان ڈویژن) ٗبالائی پنجاب(راولپنڈی ٗگوجرانوالہ، سرگودھا ڈویژن) اسلام آباد ،گلگت بلتستان اور کشمیر میں کہیں کہیں تیز ہواوں اور گرج چمک کے ساتھ بارش ٗ اس دوران کشمیر، ہزارہ، سرگودھا ڈویڑن اور خطہ پوٹھوہار میں بعض مقامات پر ژالہ باری کا بھی امکان ہے۔اتوار کے دوران ڈی جی خان، ڈی آئی خان، ملتان،ساہیوال،فیصل آباد اور لاہور ڈویژن میں بھی چند مقامات پر تیز ہواؤں اور گرج چمک کیساتھ بارش اور مالاکنڈ، ہزارہ ڈویژن، گلگت بلتستان اور کشمیر میں مزیدلینڈ سلا ئنڈینگ کا خدشہ ہے۔اپنے بیان میں انکا کہنا تھا کہ آئندہ 24گھنٹوں کے دوران بالائی خیبر پختونخواہ (مالاکنڈ ، ہزارہ ،پشاور، مردان،کوہاٹ،بنوں ڈویژن)، فاٹا، کوئٹہ، ڑوب، قلات، سبی، نصیر آباد، راولپنڈی، گوجرانوالہ، سرگودھا ڈویژن، اسلام آباد، گلگت بلتستان، کشمیر میں کہیں کہیں تیز ہواؤں اور گرج چمک کیساتھ بارش کا امکان ہے ٗاس کے علاوہ ڈی جی خان، ڈی آئی خان، لاہور، فیصل آباد، ساہیوال، ملتان، بہاولپور، سکھر، لاڑکانہ ڈویژن میں چند مقامات پر گرد آلود ہوائیں چلنے کے ساتھ ہلکی بارش کی امید ہے۔انہوں نے بتایا کہ گزشتہ24 گھنٹوں کے دوران خیبر پختونخواہ، پنجاب، فاٹا اور کشمیر میں کہیں کہیں ٗ تاہم کوئٹہ، ژوب ڈویژن اورگلگت بلتستان میں چند مقامات پر تیز ہواؤں اور گرج چمک کیساتھ بارش ہوئی۔سب سے زیادہ بارش خیبر پختونخواہ کے علاقوں مالم جبہ 44، چیراٹ 36، دیر 32، سیدو شریف 30، پاراچنار 25، لویر دیر 21، پٹن، کاکول 19، کالام 17، کوہاٹ 12، پشاور (سٹی 8، ائیر پورٹ 7) میر خانی 6، بالاکوٹ 5، چترال، ڈی آئی خان 4، دروش 2 ٗ پنجاب کے علاقوں میا نوالی 13، منڈی بہاولدین 6، لیہ بھکر، سرگودھا 5، ا سلام آباد، فیصل آباد 4، جھنگ، گوجرانوالہ، شورکوٹ 3، مری، جہلم، ڈی جی خان، ملتان، منگلا ٗ بلوچستان کے علاقوں ژوب 8 ٗکوئٹہ ایک ٗکشمیر کے علاقوں گڑی دوپٹہ، مظفر آباد 3 ٗ راولاکوٹ ایک۔ گلگت بلتستان کے علاقوں استور میں 1 ملی میٹر بارش ریکارڈ کی گئی۔