کراچی (این این آئی) قومی کرکٹ ٹیم کے سابق کوچ جاوید میانداد نے کہا ہے کہ غیر ملکی کوچ کی باتیں کرنے والے کرکٹ بورڈ کو بھی غیر ملکیوں کو ٹھیکے پر دے دیں کہتے ہیں سرفراز کو ٹی ٹوئنٹی کپتان بنا کر بورڈ نے اپنی عزت بچائی ہے ۔تفصیلات کے مطابق پی سی بی بدستور جاوید میانداد کے نشانے پرہے قومی کرکٹ ٹیم کے نئے کوچ کے معاملے پر سابق پاکستانی کپتان نے کہا کہ غیر ملکی کوچ کی باتیں کرنے والے بورڈ بھی غیر ملکیوں کو ٹھیکے پر دیدیں ۔انہوں نے سرفراز کوٹی ٹوئنٹی کپتان بنانے کو بورڈ کی ایک چال قرار دیا ۔انہوں نے کہا کہ ٹیسٹ اور ون ڈے کے معاملات ٹھیک کرنے کی ضرورت ہے ٹیم میں کوئی ایسا بلے باز نہیں جو اوور کی6 گیندیں کھیل سکتا ہو ۔