لاہور( این این آئی)فیڈرل انوسٹی گیشن ایجنسی نے پاکستانی اسٹیج ڈراموں اور ثقافتی طائفوں کی آڑ میں انسانی سمگلنگ کی روک تھام کیلئے کڑی نگرانی کا فیصلہ کر لیا ۔ذرائع کے مطابق گزشتہ دس سالوںں سے لاہور ،کراچی اور اسلام سے تعلق رکھنے والے معروف پرموٹرز نے مبینہ طور پر تھیٹر ڈراموں اور میوزیکل کنسٹرٹ کی آڑ میں سادہ لوح افراد سے لاکھوں روپے وصول کر کے انہیں مختلف یورپی ممالک میں سمگل کر دیا ہے ۔دستاویزات کے بغیر بیرون ملک قیام کرنے والے کئی افراد پکڑے بھی گئے ہیں جو مختلف ممالک کی جیلوں میں قید ہیں جبکہ سمگلنگ کرنے کے جرم میں کئی پروموٹر زاور فنکاروں کو بین بھی کر دیا گیا تھا۔ ذرائع کے کے مطابق ایف آئی اے نے ایسے طائفوں اور انسانی سمگلرز کیخلاف سخت ایکشن کرنے کا فیصلہ کر لیا ہے جس کے تحت ایسے پروموٹرز ،فنکاروں اور دیگر انسانی سملگروں پر کڑی نظر رکھی جائے گی ۔ذرائع نے بتایا ہے کہ ایف آئی اے نے اس سلسلہ میں بیرون جانے والے طائفوں اور فنکاروں سے چھان بین کرنے بھی فیصلہ کیا ہے ۔