بنگلورو(نیوزڈیسک)جارح مزاج ویسٹ انڈین بلے باز کرس گیل نے کرکٹ اور شوبز کے میگا سٹارز کو ایک منفرد چیلنج دے دیا ہے۔اپنی جارحانہ بلے بازی کے لیے مشہور کرس گیل نے سماجی رابطے کی ویب سائٹ فیس بک پر جاری کردہ اپنی ایک ویڈیو میں بھارتی بلے باز ویرات کوہلی ، بالی ووڈ اداکار امیتابھ بچن اور جنوبی افریقی بلے باز اے بی ڈیویلیئرز کو’ ’چیمپئن،چیمپئن “ کے گانے پر ڈانس کرنے کا چیلنج دیا ہے۔ اس سے پہلے گیل کے ساتھ ویسٹ انڈین کھلاڑی اور گیت کے موجد ڈوین براوو نے انہیں اس گانے کا چیلنج دیا تھا جو انہوں نے قبول کرلیا تھا۔