لاہور (نیوزڈیسک) پاکستان کرکٹ بورڈ کے سربراہ شہریار خان نے کہا ہے کہ وہ ایشیا کپ اور ورلڈ ٹی ٹونٹی میں پاکستان کی خراب پرفارمنس پر ہیڈ کوچ کی جائزہ رپورٹ میڈیا میں لیک ہونے پر پہلے ہی وقار یونس سے معافی مانگ چکے ہیں۔شہریار نےبتایا کہ انہوں نے وقار کو اپنے دفتر بلا کر معافی مانگی کیونکہ رپورٹ پی سی بی کی غلطی سے سامنے آئی۔ وقار کے مستعفی ہونے کے کچھ گھنٹوں بعد شہریار نے بتایا ’ملاقات کے دوران میں نے ان سے اپنے مستقبل کا فیصلہ کرنے کو کہا‘۔’وقار پاکستان کرکٹ کی پہچان ہیں اور انہوں نے ٹیم کو بہتر بنانے کی بھرپور کوشش کی‘۔شہریار نے تحلیل ہونے والی سلیکشن کمیٹی کو بھی سراہا۔