کولکتہ(نیوز ڈیسک) ویسٹ انڈیز کرکٹ ٹیم کے منیجر نے انعام میں ملنے والی خطیر رقم فلاحی ادارہ کو دیدی ۔ دیگر کھلاڑیوں نے انعامی رقم کو فلاحی اداروں میں دینے کا فیصلہ کرلیا ۔ تفصیلات کے مطابق ٹی ٹونٹی ورلڈ کپ کی فاتح ٹیم ویسٹ انڈیز کے ٹیم منیجر راہول لیوس نے ٹیم کو ملنے والی انعامی رقم مدر ٹریسٹا مشنری فلاحی ادارے کو خیرات کردی ہے ۔ ویسٹ انڈیز ٹیم کے کپتان ڈیرن سیمی نے انکشاف کیا ہے کہ ورلڈ کپ میں شرکت سے قبل ہمارے پاس اتنے پیسے نہیں تھے کہ ٹیم کے کھیلنے کیلئے وردیاں خرید لیتے لیکن ہمارے اندر اتنا اخلاقی جذبہ ہے کہ انعام میں ملنے والی رقم کسی فلاحی ادارے کو خیرات کردی جائے اس چیز نے ہمیں حقیقی چیمپئن بنایا ہے ویسٹ انڈیز نے یہ کام سرانجام دے کر ان لوگوں کا دل بھی جیت لیاہے جو کرکٹ کو دیکھنا پسند نہیں کرتے تھے ۔