کنگسٹن (نیوز ڈیسک) دوسری مرتبہ ورلڈ ٹی ٹوئنٹی کا ٹائٹل جیت کر نئی تاریخ رقم کرنے والی ویسٹ انڈین نے بالآخر اپنے کرکٹ بورڈ کو بھی گھٹنے ٹیکنے پر مجبور کردیا اور وہ مذاکرات پر آمادہ ہو گئے ہیں۔عالمی ٹی ٹوئنٹی چمپیئن ویسٹ انڈیز کے کپتان ڈیرن سیمی نے فائنل میں کامیابی کے بعد کہا تھا کہ ان کی ٹیم نے بورڈ کی جانب سے عدم تعاون اور لوگوں کی جانب سے شدید تنقید کے باوجود ثابت کردیا کہ ہم 15 میچ ونر کھلاڑی ہیں۔ویسٹ انڈیز کو دو دفعہ ٹی ٹوئنٹی چمپئن بنانے والے سیمی نے پرنم آنکھوں کے ساتھ ٹیم کو درپیش مسائل بیان کرتے ہوئے ویسٹ انڈیز کرکٹ بورڈ کی بے اعتنائیوں کا ذکر کیا۔انہوں نے کہاکہ انھیں کریبین کمیونٹی کے سربراہوں کی جانب سے بھرپور حمایت ملی اور گریناڈا کے وزیر اعظم کیتھ مچل کی جانب سے ٹیم کینام ای میل بھی ہمیں موصول ہوئی اور فون بھی آئے ٗ میرے کرکٹ بورڈ کی جانب سے ایسی کوئی بات سننے کو نہیں ملی۔