لاہور(نیوز ڈیسک)پاکستان کرکٹ بورڈ(پی سی بی) کے چیئرمین شہریار خان نے شاہد آفریدی کی جانب سے کپتانی سے دستبردار ہونے کے فیصلے کا خیرمقدم کرتے ہوئے ٹی ٹوئنٹی ٹیم کے نائب کپتان سرفراز احمد کو ٹیم کی قیادت کا سب سے مضبوط امیدوار قرار دیا۔ایک انٹرویو میں چیئرمین شہریار خان نے کہا کہ شاہد آفریدی کی جانب سے شکست کی ذمے داری خود قبول کرنا اور قیادت سے دستبردار ہونا بڑے پن کی بات ہے۔انہوں نے کہا کہ مجھے اس بات کی خوشی ہے کہ کپتان شاہد آفریدی نے ناکامی کا ملبہ کسی اور پر گرانے کے بجائے شکست کی ذمہ داری قبول کی۔انہوں نے کہا کہ یہ بات خوش آئند ہے کہ شاہد آفریدی ٹی ٹوئنٹی ٹیم کےلئے دستیاب ہوں گے تاہم انہیں ٹیم میں شامل کرنے کا فیصلہ سلیکشن کمیٹی کرےگی۔چیئرمین پی سی بی نے کہا کہ نائب کپتان سرفراز احمد ٹی ٹوئنٹی کپتان کےلئے سب سے مضبوط امیدوار ہیں تاہم وہ پی سی بی حکام سے مشورہ کر کے جلد کپتان کا حتمی اعلان کریں گے۔شہریار خان نے کہا کہ وہ تحقیقاتی کمیٹی کی رپورٹ کا جائزہ لے لیا ۔‎