اسلام آباد (نیوزڈیسک) پی سی بی میں ناقص کارکردگی پر بڑے پیمانے میں اکھاڑ بچھاڑ کئے جانے کا امکان ، لیجنڈ کرکٹر جاوید میانداد کو اہم عہدہ دینے کا فیصلہ کر لیا گیا ۔ تفصیلات کے مطابق آن لائن کو ذرائع نے بتایا کہ ایشیاءکپ اور ٹی ٹوئنٹی میں ٹیم کی ناقص کارکردگی کا مظاہرہ کرنے پر نہ صرف ٹیم میں تبدیلیاں کی جائیں گی بلکہ پی سی بی میں بڑے پیمانے پر اکھاڑ بچھاڑ کئے جانے کا امکان ہے ذرائع کے مطابق لیجنڈ کرکٹر جاوید میانداد کو چیئرمین پی سی بی یا پھر چیف سلیکٹر کے عہدے پر فائز کئے جانے پر غور و غوض جاری ہے ۔