لاہور (نیوزڈیسک) پاکستان کرکٹ بورڈ کے چیئرمین شہریار خان نے شاہد آفریدی کی طرف سے ٹی ٹونٹی ٹیم کی کپتانی چھوڑنے کے اعلان کو خوش آئند قرار دیتے ہوئے کہا ہے کہ اچھی بات ہے کہ انہوں نے کپتانی کے حوالے سے خود فیصلہ کیا ، مستقبل میں کھیلنے کا فیصلہ بھی شاہد آفریدی کا اپنا ہے ۔ شاہد آفریدی کی طرف سے ٹی ٹونٹی ٹیم کی کپتانی سے دستبردار ہونے کے اعلا ن پر اپنے ردعمل کا اظہار کرتے ہوئے شہریار خان نے کہا کہ شاہد آفریدی بالکل فٹ کرکٹر ہے اور مزید کرکٹ کھیل سکتا ہے ۔ کپتانی اور اپنے مستقبل کے حوالے سے شاہد آفریدی کا خود فیصلہ کرنا خوش آئند ہے ۔انہوں نے کہا کہ قومی کرکٹ ٹیم کی کارکردی کے حوالے سے شاہد آفریدی کی رپورٹ قابل تعریف ہے ۔ آفریدی نے شکست کا ملبہ کسی پر نہیں ڈالا بلکہ سب کچھ اپنے اوپر لیا ہے ۔