کراچی (نیوزڈیسک)ٹی 20 ایشیا کپ اور ورلڈ ٹی 20 میں پاکستان کی خراب کارکردگی کے بعد شاہد آفریدی نے ٹی 20 ٹیم کی کپتانی چھوڑنے کا اعلان کر دیا ہے۔شاہد آفریدی نے یہ اعلان اتوار کو سماجی رابطے کی ویب سائٹ ٹوئٹر پر کیا۔انھوں نے لکھا کہ آج میں پاکستان اور دنیا بھر میں موجود اپنے شائقین کو یہ بتانا چاہتا ہوں کے میں نے اپنی مرضی سے پاکستان کی ٹی 20 ٹیم کی کپتانی سے دستبردار ہونے کا فیصلہ کر لیا ہے۔شاہد آفریدی کی جانب سے جاری اس بیان میں انھوں نے پاکستان کرکٹ بورڈ اور چیئرمین شہریار خان کا شکریہ ادا کرتے ہوئے کہا کہ میرے لیے یہ بہت اعزاز کی بات ہے کہ میں نے اپنے ملک کی طرف سے تینوں فارمیٹس میں قیادت کی۔شاہد آفریدی نے کہا کہ میں یہ بتانا چاہتا ہوں کے میں اپنے ملک اور دیگر لیگ کےلئے کرکٹ کھیلتا رہوں گاانھوں اپنے مداحوں سے ان کےلئے بحیثیت کھلاڑی بہتر مستقبل کی دعاو¿ں اور ان کو سپورٹ کرنے کے لیے بھی درخواست کی۔آخر میں شاہد آفریدی نے ٹویٹ کی جس میں کا کہنا تھاکہ شکریہ پاکستان۔خیال رہے کہ پہلے ایشیا کپ اور پھر آئی سی سی ورلڈ ٹی 20 میں پاکستان ٹیم کی کارکردگی انتہائی خراب رہی تھی جس کے بعد سے شاہد آفریدی اور ٹیم کے ہیڈ کوچ وقار یونس سے مستعفی ہونے کے مطالبے کی خبریں بھی گردش کر رہیں تھی۔بھارت میں ہونے والے ورلڈ ٹی 20 کے سپر 10 مرحلے میں پاکستان ٹیم صرف بنگلہ دیش کو ہی شکست دے پائی تھی ¾ اسے انڈیا، نیوزی لینڈ اور آسٹریلیا کے ہاتھوں شکست ہوئی۔