اسلام آباد (نیوزڈیسک)وزیر داخلہ چوہدری نثار علی خان پیر کو وزیر اعظم سے پی سی بی کی انکوائری کمیٹی کی رپورٹ لیک ہونے پر تحقیقات کروانے کی درخواست کرینگے ۔ گزشتہ روز ایک سوال کے جوا ب میں وزیر داخلہ نے بتایا تھا کہ وہ پیر کو وزیر اعظم نواز شریف سے پاکستان کرکٹ بورڈ کی انکوائری کمیٹی کی رپورٹ لیک ہونے پر تحقیقات کروانے کی درخواست کریں گے۔کرکٹ بورڈ کی انکوائری کمیٹی کی رپورٹ وزیر اعظم کو پیش کیے جانے سے قبل ہی لیک کر دیا گیا اس بات کی تحقیق ہونی چاہیے۔چوہدی نثار نے کہاکہ میں نے وعدہ کیا تھا کہ اس کمیٹی کی رپورٹ جب حکومت کے پاس آئے گی تو اسے عوام کے سامنے لایا جائےگا تاہم اب عوام کے سامنے پیش کرنے کو رہ کیا گیا ہے رپورٹ تو پہلے ہی لیک ہو چکی ہے۔وزیر داخلہ نے کہا کہ میں وزیر اعظم سے درخواست کروں گا کہ اس کی تحقیق ہونی چاہیے کہ یہ رپورٹ آپ تک پہنچنے سے پہلے ہی لیک کیسے ہوئی اور اس کا مقصد صرف ہمارے قومی کھلاڑیوں کی تضحیک کرنا ہے یہ جو ہم نے طرح طرح کہ الزامات لگانا شروع کر دئیے ہیں ہم بھول گئے ہیں کہ ان لوگوں نے پاکستان کا نام روشن کیا ہے۔