ممبئی (نیوزڈیسک) آسٹریلوی سابق لیگ سپنر شین وارن نے بھارتی کرکٹ ٹیم کی کوچنگ کی خواہش کا اظہار کردیا۔ بھارتی کرکٹ بورڈ ٹیم کے لئے مکمل کوچ تعینات کرنا چاہتا ہے۔شین وارن نے کہا ہے کہ اگر بھارتی کرکٹ بورڈ نے ان تک رسائی حاصل کی تو وہ ضرور کوچنگ کیلئے تیار ہونگے۔ ادھربھارتی کرکٹ ٹیم کے ڈائریکٹر روی شاستری کا کنٹریکٹ مکمل ہوگیا ‘کمیٹی کنٹریکٹ میں توسیع کا فیصلہ کرے گی۔ سیکرٹری بی سی سی آئی انوراگ ٹھاکر نے کہا ہے کہ ایڈوائزری کمیٹی جو سچن ٹنڈولکر ‘لکشمن اور گنگولی پر مشتمل ہے شاستری کے مستقبل کا فیصلہ کرے گی۔