اسلام آباد(نیوز ڈیسک) سینئر صحافی اور تجزیہ کار روف کلاسرا نے انکشاف کیا ہے کہ ایک بہت بڑی سیاسی شخصیت نے پی سی بی کو شاہد آفریدی کو ٹیم سے نکالنے سے روک رکھا ہے۔نجی ٹی وی کے پروگرام میں گفتگو کرتے ہوئے روف کلاسرا کا کہنا تھا کہ شاہد آفرید ی کو آج سے ایک سال پہلے ٹیم سے نکالنے کا فیصلہ ہوچکا تھا کیوں کہ بورڈ میں بیٹھے کچھ لوگوں کا خیال تھا کہ آفریدی کی گیم اب ختم ہوگئی ہے تاہم وزیر اعظم ہاوس سے ایک بہت بڑی طاقتورشخصیت نے چیئر مین پی سی بی شہریار خان کو ٹیلی فون کرکے کہا کہ آپ نے آفریدی کو ٹیم سے کسی صورت نہیں نکالنا کیوں کہ پاکستان کی ایک بہت بڑی سیاسی شخصیت آ ل راونڈ کے کھیل کی عاشق ہے جو کہتی ہے کہ وہ چاہے جتنی مرضی ناقص پرفارمنس دیں لیکن کرکٹ بورڈ اسے ٹیم سے نہیں نکالے گا،ا س لیے اگر آفریدی 2020ءتک بھی پاکستانی ٹیم کے کپتان رہیں تو اس میں اچھنبے کی کوئی بات نہیں ہوگی۔