ممبئی(نیوز ڈیسک)بھارتی کرکٹ ٹیم کے آل راو 191نڈر یوراج سنگھ زخمی ہوکر ورلڈ ٹی ٹوئنٹی کے سیمی فائنل سمیت بقیہ تمام مقابلوں سے باہر ہوگئے۔آئی سی سی کے مطابق ورلڈ ٹی ٹوئنٹی کی میزبان بھارتی ٹیم نے زخمی یوراج سنگھ کی جگہ منیش پانڈے کو اسکواڈ میں شامل کرلیا یوراج سنگھ آسٹریلیا کے خلاف اہم میچ میں بیٹنگ کے دوران ٹخنے پر گیند لگنے سے زخمی ہوگئے تھے تاہم ویرات کوہلی کی شاندار بلے بازی کی بدولت ہندوستان نے میچ میں 6 وکٹوں سے کامیابی حاصل کرکے سیمی فائنل کے لیے کوالیفائی کر لیا تھا۔یوراج سنگھ نے بھارت کو 2007 کے اولین ورلڈ ٹی ٹوئنٹی میں چمپیئن بننے میں اہم کردار ادا کیا تھا۔منیش پانڈے انڈین پریمیئرلیگ (آئی پی ایل) میں سنچری داغنے والے بھارت کے پہلے بلے باز ہیں تاہم ویسٹ انڈیز کے خلاف سیمی فائنل کیلئے ٹیم میں ان کی شمولیت اجانکیا راہانے کی موجودگی میں دلچسپ ہوگی۔بھارت اور ویسٹ انڈیز کے درمیان ورلڈ ٹی ٹوئنٹی کا دوسرا سیمی فائنل جمعرات کو ممبئی کے وانکھیڈے اسٹیڈیم میں کھیلا جائے گا۔