نئی دہلی (نیوز ڈیسک)آئی سی سی ویمنز ٹی 20 ورلڈ کپ کا پہلا سیمی فائنل میچ  بدھ کو آسٹریلیا اور انگلینڈ کی ٹیموں کے درمیان فیروز شاہ کوٹلہ، نئی دہلی میں کھیلا جائیگا , میچ پاکستانی وقت کے مطابق دن دو بجے شروع ہوگا۔ میڈیا رپورٹ کے مطابق میگا ایونٹ کا پہلا سیمی فائنل میچ  بدھ کو آسٹریلیا اور انگلینڈ کے درمیان کھیلا جائیگا۔میگا ایونٹ کا دوسرا سیمی فائنل میچ 31 مارچ کو نیوزی لینڈ اور ویسٹ انڈیز کی ٹیموں کے درمیان واینکھیڈے سٹیڈیم، ممبئی میں کھیلا جائیگا، دوسرا سیمی فائنل میچ بھی پاکستان کے معیاری وقت کے مطابق دن دو بجے شروع ہوگا۔ دو فائنلسٹ ٹیموں کے درمیان میگا ایونٹ کا فائنل میچ 3 اپریل کو کھیلا جائیگا۔ یاد رہے کہ گروپ اے میں نیوزی لینڈ کی ویمن ٹیم نے اپنے چاروں میچ جیت کر آٹھ پوائنٹس کے ساتھ ٹاپ پوزیشن حاصل کی ¾ دفاعی چیمپئن آسٹریلیا نے چار میں سے تین میچز جیتے۔ گروپ بی میں انگلینڈ کی ٹیم ناقابل شکست رہی , ویسٹ انڈیز نے تین میچ جیت کر دوسری پوزیشن حاصل کی۔