لاہور(نیوزڈیسک)پی سی بی کے صبر کا پیمانہ لبریز،واپس آنے والے تمام کرکٹرز پرپابندی عائد،پاکستان کرکٹ بورڈ نے قومی کرکٹرز پرمیڈیا سے بات کرنے پر پابندی عائد کر دی، دبئی میں موجود ٹی ٹونٹی ٹیم کے کپتان شاہد خان آفریدی کو بھی بذریعہ ای میل فیصلے سے آگاہ کر دیا گیا ۔ ذرائع کے مطابق پاکستان کرکٹ بورڈ نے ٹی ٹونٹی ورلڈ کپ میں شرکت کے بعد واپس پہنچنے والی قومی کرکٹرز پر میڈیا سے بات چیت کرنے پر مکمل پابندی عائد کر دی ہے۔ کرکٹرز سے کہا گیا ہے کہ جب تک کمیٹی تحقیقات مکمل نہیں کر لیتی اس وقت تک کرکٹرز کے میڈیا سے بات کرنے پر پابند ی ہو گی ۔ دبئی میںموجود ٹیم کے کپتان شاہد آفریدی کو بھی بذریعہ ای میل اس فیصلے سے آگاہ کر دیا گیا ۔