اسلام آباد (نیوز ڈیسک) قومی کرکٹ ٹیم کے اوپننگ بیٹسمین محمد حفیظ نے کہا ہے کہ محب وطن پاکستانی ہوں اور ہمیشہ پاکستان کیلئے کھیلا ہوں۔ بیمار ذہنیت کے لوگ ٹیم میں گروپنگ کی جھوٹی اور من گھڑت خبریں پھیلا کر میری اور ٹیم کی شہرت کو نقصان پہنچا رہے ہیں۔ سماجی رابطوں کی ویب سائٹ ٹوئیٹر پر ٹوئٹ کرتے ہوئے محمد حفیظ نے کہا کہ ٹی ٹوئنٹی ورلڈ کپ کے دوران گھٹنے کی انجری کا شکار ہو گیا تھا جان بوجھ کر میچ نہ کھیلنے کی باتوں میں کوئی صداقت نہیں اس لئے بھارت کے نجی ہسپتال میں ایم آر آئی بھی کروائی تھی۔ انہوں نے کہا میں محب وطن پاکستانی ہوں اور ہمیشہ پاکستان کیلئے کھیلا ہوں۔ انجری نہ ہوتی تو میں ضرور میچ کھیلتا۔ بیمار ذہنیت کے کچھ لوگ قومی کرکٹ ٹیم میں گروپنگ کی جھوٹی اور من گھڑت خبریں پھیلا کر میری اور کرکٹ ٹیم کی شہرت کو نقصان پہنچانے کی کوشش کر رہے ہیں