لاہور( نیوز ڈیسک)قومی ٹیم کے ہیڈ کوچ وقار یونس نے کہا ہے کہ میں صرف عزت چاہتا ہوں ،اللہ کا شکر ہے کہ مجھے نہ پیسوں کی کوئی لالچ ہے اور نہ ہی میری ضرورتیں ایسی ہیں کہ میں پیسوں کے پیچھے بھاگوں،میں چیئرمین پی سی بی سے بات کروں گا اور اگر میری بات پر غور کیا گیا اور اسے سمجھا گیا تو اچھی بات ہے اگر نہیں تو پی سی بی کے لئے کوچز کی کمی نہیں اور مجھے بھی کوئی مجبوری نہیں ہے۔ ایک انٹر ویو میں وقار یونس نے کہا کہ مجھے اتنی مغز ماری کی کوئی ضرورت نہیں ہے ،میں صرف عزت چاہتا ہوں ،اللہ کا شکر ہے کہ مجھے نہ پیسوں کی کوئی لالچ ہے اور نہ ہی میری ضرورتیں ایسی ہیں کہ میں پیسوں کے پیچھے بھاگوں،میں کمنٹری سے بہتر پیسے کما سکتا ہوں۔