موہالی(نیوز ڈیسک)موہالی میں ٹی ٹوئنٹی ٹیم کے کپتان شاہد آفریدی کی جانب سے کشمیریوں کی آمد پر شکریہ ادا کر نے پر بھارتی میڈیا آگ بگولا ہوگیا۔ میڈیا رپورٹ کے مطابق شاہد آفریدی نے آسٹریلیا کے خلاف شکست کے بعد میڈیا سے بات چیت کرتے ہوئے کہاتھا کہ مقبوضہ کشمیر سے آئے ہوئے کشمیریوں کا شکر گزار ہوں جنہوں نے ہماری بھرپور حمایت کی شاہد آفریدی کے اس بیان پر بھارتی میڈیا آگ بگولا ہوگیا اور مخالفت میں پروگرام کر ڈالے ۔یاد رہے یہ وہی بھارتی ہیں جنہوں نے شاہد آفریدی کے اس وقت قصیدے پڑھنے شروع کردیے تھے جب انہوں نے کہا تھا کہ بھارت میں پاکستان سے زیادہ پیار ملتا ہے تاہم کشمیریوں کے ذکر پر زبانیں آگ کیوں اگلنا شروع ہوجاتی ہیں