موہالی (نیو زڈیسک) ورلڈ ٹی 20 کے اہم میچ میں آسٹریلیا نے پاکستان نے خلاف ٹاس جیت کر پہلے بیٹنگ کا فیصلہ کیا ہے۔ میچ کیلئے پاکستانی ٹیم میں ایک تبدیلی کی گئی ہے اور محمد عرفان کی جگہ وہاب ریاض کو شامل کیا گیا ہے۔ کپتان شاہد آفریدی کا کہنا تھا کہ اگر وہ ٹاس جیت جاتے تو پہلے بیٹنگ ہی کرتے لیکن کوئی بات نہیں کیونکہ ٹاس سے بھی زیادہ آج کا میچ جیتنا ضروری ہے۔ ریٹائرمنٹ سے متعلق سوال پر انہوں نے کہا کہ ابھی کوئی فیصلہ نہیں کیا، اس کے بارے میں کوئی بھی فیصلہ اپنی قوم کے سامنے کروں گا۔ آسٹریلین ٹیم نے بھی اپنی ٹیم میں دو تبدیلیاں کی ہیں اور ایرون فنچ اور ہیزل ووڈ کو ٹیم میں شامل کیا ہے۔