موہالی(نیوز ڈیسک) قومی ٹی ٹوئنٹی کرکٹ ٹیم کے کپتان شاہد آفریدی وطن واپسی پر اپنے مستقبل کا فیصلہ کریں گے۔ گرین شرٹس آج انتہائی اہم میچ میں آسٹریلیا کے خلاف میچ کھیلے گی اور سیمی فائنل کی امید لگانے کے لئے قومی ٹیم کو لازماً میچ جیتنا ہوگا جب کہ آسٹریلیا کے ہاتھوں شکست کی صورت میں کپتان شاہد آفریدی کا بطور کپتان یہ آخری میچ بھی ہوسکتا ہے تاہم ذرائع کا کہنا ہے کہ بوم بوم آفریدی بھارت کے بجائے وطن واپس آکر کپتانی سے استعفے کا اعلان کریں گے۔شاہد آفریدی کے مستقبل کے حوالے سے ذرائع کا کہنا ہے کہ وہ کپتانی چھوڑ کر بطور کھلاڑی ٹیم کا حصہ رہیں گے اوربھارت میں جاری ٹی ٹوئنٹی ورلڈکپ ان کے کیرئیرکا آخری ورلڈ کپ ہوگا۔