لاہور (نیوز ڈیسک) قومی ٹیم کے سابق کپتان انضمام الحق نے انکشاف کیا ہے کہ بھارتی کھلاڑی یوراج سنگھ اور ہربھجن سنگھ بھی بھارت کے آخری دورہ پاکستان میں معروف عالم دین مولانا طارق جمیل کو بڑی دل جمعی سے سنتے تھے۔ اپنے ایک بیان میں انضمام الحق کا کہنا تھا کہ بھارت کے خلاف فیصل آباد ٹیسٹ کے دوران مولاناطارق جمیل ہر روز مغرب کی نماز سٹیڈیم میں ہمارے ساتھ آکر پڑھتے تھے ، نماز کے بعد وہ کھلاڑیوں کو لیکچردیا کرتے جسے سننے کے لیے ظہیر خان اور عرفان پٹھان کے ساتھ ہربھجن سنگھ اور یوراج سنگھ بھی آکر بیٹھ جاتے تھے، یوراج اور ہربھجن کہتے تھے کہ یہ بندہ ٹھیک بات کرتا ہے تاہم جب وہ ہماری زندگیاں دیکھتے تھے تو پلٹ جاتے تھے کیوں کہ ان کے خیال میں ہم کہتے کچھ تھے اور کرتے کچھ تھے۔