نئی دہلی(نیوز ڈیسک)بھارتی کرکٹ بورڈ کے سیکریٹری انوراگ ٹھاکر نے پاکستان ٹیم ٹوئنٹی ٹیم کے کپتان شاہد آفریدی کی جانب سے کشمیریوں کی حمایت کے بیان پر انھیں تنقید کا نشانہ بناتے ہوئے سیاسی بیانات سے پرہیز کرنے کیلیے کہا ہے۔بھارتی میڈیا رپورٹس کے مطابق سیکرٹری بی سی سی آئی انوراگ ٹھاکر نے نیوزی لینڈ کے خلاف ٹاس کے بعد پاکستانی قائد کی جانب سے دیئے گئے ایک بیان کا نوٹس لیتے ہوئے کہا کہ پاکستان کرکٹ ٹیم کے کپتان کو اس قسم کا بیان نہیں دینا چاہیئے تھا۔ ان کا کہنا تھا کہ شاہد آفریدی کا بیان سیاسی طور پر درست نہیں۔
واضح رہے کہ شاہد آفریدی نے کہا تھا کہ موہالی میں ہمارے بہت سے مداح ہیں، بہت سے لوگ کشمیر سے بھی پاکستان کرکٹ ٹیم کی حمایت میں آئے ہیں۔