موہالی (نیوز ڈیسک)پاکستان کرکٹ ٹیم کے سابق کپتان وسیم اکرم کہتے ہیں کہ کب تک عمر اکمل اور احمد شہزاد کو ٹیلنٹڈ کرکٹر کہتے رہیں گے،ان کاکہنا ہے کہ بورڈ میں نئی پوت کو لانا ہوگامائنڈ سیٹ بدلنا ہوگا۔نجی نیوزچینل سے گفتگو میں وسیم اکرم نے کہا کہ شرجیل شاندار کھیلے،لیکن احمد اور عمر اکمل کی بیٹنگ کے وقت ایسا لگا جیسے نیوزی لینڈ کی ٹیم 15 کھلاڑیوں سے فیلڈنگ کر رہی ہے۔عمراکمل اور احمد شہزاد پر شدید تنقید کرتے ہوئے وسیم اکرم نے کہا کہ انہیں کب تک ٹیلنٹڈ کہتے رہیں گے،سابق کپتان کہتے ہیں کہ بورڈ میں نئی پوت کو آنا چاہیے،جسے پتا ہو دنیا میں کیا ہورہا ہے۔وسیم اکرم نے ٹیم کے تھنک ٹینک پر بھی تنقید کرتے ہوئے کہا کہ وہ باہر بیٹھ کر کیا کرتے ہیں۔