موہالی(نیوزڈیسک)ٹیم مینجمنٹ نے قومی کرکٹ ٹیم کو ہدایت کی ہے کہ آسٹریلیا کیخلاف آخری میچ ہرصورت جیتنا ہو گا۔نجی ٹی وی کے مطابق موہالی میں ٹریننگ کے بعدٹیم مینجمنٹ کی کھلاڑیوں کے ساتھ میٹنگ ہوئی جس دوران ٹیم مینجمنٹ نے کھلاڑیوں سے ناقص کارکردگی پر انتہائی برہمی کا اظہار کیا ،ٹیم مینجمنٹ کا کہناتھا کہ آپ لوگوں کی کارکردگی سے مایوسی ہوئی ہے اور اب آسٹریلیا کیخلاف آخری موقع ہے ہمیں ہر صورت میں یہ میچ جیتنا ہو گا۔کھلاڑیوں اور ٹیم مینجمنٹ کے درمیان میٹنگ سوا گھنٹے تک جاری رہی جس میں ٹاپ آرڈر اور مڈل آرڈر بیٹسمینوں کی سرزنش کی گئی جبکہ سلو بیٹنگ پر وقار یونس کھلاڑیوں پر برس پڑے۔دوسری جانب محمد حفیظ تاحال ان فٹ ہیں اور ان کی آسٹریلیا کیخلاف میچ میں شرکت مشکوک ہو گئی ہے۔