اسلام آباد(نیوز ڈیسک) پاکستان کرکٹ ٹیم کا ناقص کارکردگی کا سلسلہ جاری ہے۔ نیوزی لینڈ کے خلاف بھی کامیابی مقدر نہ بن سکی اور پاکستان کا میگا ایونٹ میں رہنا بہت مشکل ہوگیا ہے اور اب صرف دعاﺅں اور دوسری ٹیموں کی شکستوں اور رن ریٹ پر ہی پاکستان اس ایونٹ کا سیمی فائنل کھیل سکتا ہے لیکن اس سے قبل اس کو آسٹریلیا کو بھی شکست دینا ہوگی۔ اس میچ میں کامیابی کے بعد اگر ٹیم آسٹریلیا سے ہاربھی جاتی تو اس کے چانس باقی رہتے اب قومی ٹیم کی حالیہ کارکردگی دیکھتے ہوئے یہ کہنا مشکل ہے کہ کینگروز سے پاکستانی ٹیم جیت جائے گی۔