موہالی(نیوزڈیسک) ٹی ٹوئنٹی ورلڈکپ کے گروپ “بی” میں اب سے کچھ ہی دیر بعدپاکستان اپنا اہم میچ نیوزی لینڈ کے خلاف کھیلے گا جب کہ شکست اسے ایونٹ میں مشکلات سے دوچار کرسکتی ہے۔بھارتی شہر موہالی میں آج ٹی ٹوئنٹی ورلڈکپ گروپ “بی” کے میچ میں پاکستان اور نیوزی لینڈ کی ٹیمیں مد مقابل ہوں گی اور پاکستانی وقت کے مطابق میچ شام 7 بجے شروع ہوگا۔ نیوزی لینڈ جیت کی صورت میں سیمی فائنل کے لیے کوالیفائی کرجائے گا جب کہ پاکستان کی شکست اسے ایونٹ میں مشکلات سے دوچار کرسکتی ہے تاہم جیت کی صورت میں پاکستان سیمی فائنل تک رسائی حاصل کرنے کی پوزیشن میں آسکتا ہے۔