کولکتہ، پشاور (نیوز ڈیسک) قومی ٹی ٹونٹی کپتان شاہد آفریدی آج کل گراو¿نڈ پر اپنی پرفارمنس سے زیادہ آف دی فیلڈ باتوں کی وجہ سے میڈیا میں ’ان ‘ رہتے ہیں اور ان کی سامنے آنے والی ایک پرانی ویڈیو میں وہ خواتین کرکٹرز کا مذاق اڑاتے نظر آرہے ہیں۔ نجی ٹی وی کو انٹر ویو میں آفریدی سے پوچھا گیا کہ پشاور میں ویمن انڈ ر 19کرکٹرز کا تربیتی کیمپ لگا ہے اس بارے میں ان کا کیا خیال ہے جس پر آفریدی نے کہا کہ وہ بس اتنا کہیں گے کہ اللہ نے ہماری خواتین کے ہاتھ میں بہت ذائقہ رکھا ہے۔آفریدی کے اس بیان سے ایسا محسوس ہوتا ہے کہ آل راو¿نڈر خواتین کے کرکٹ کھیلنے کے حق میں نہیں ہیں اور اگر ایسا ہے تو شائقین کرکٹ ان سے یہ سوال پوچھنے میں حق بجانب ہیں کہ ایک جانب پاکستانی ویمن کرکٹرز نے تو ورلڈ ٹی ٹونٹی میں اپنے زیادہ تجربہ کار بھارتی ٹیم کو دھول چٹائی تاہم آفریدی اور ان کی ”تجربہ کار“ ٹیم کی بدترین پرفارمنس کے باعث پاکستان کو ایک بار پھر بھارت کے ہاتھوں ورلڈ کپ میں شکست کا منہ دیکھنا پڑا۔