ممبئی (نیوز ڈیسک) بھارتی کرکٹ ٹیم کے کپتان مہندر سنگھ دھونی پر ٹیکس ادا نہ کرنے کی مد میں جرمانہ عائد کر دیا گیا ہے۔ ضلع رانچی کے ٹرانسپورٹ آفیسر کا کہنا ہے کہ مہندرا سنگھ دھونی نے گزشتہ 5سال سے اپنی گاڑی ہمر کا ٹیکس ادا نہیں کیا۔ مہندرا سنگھ دھونی کو پانچ سال کا ٹیکس بمعہ جرمانہ ادا کرنا ہو گا۔ دھونی آئی سی سی ورلڈ ٹی 20ٹورنامنٹ میں بھارت کی کپتانی کر رہے ہیں۔ نیوز ی لینڈ نے ایونٹ کے پہلے میچ میں بھارت کو 46رنز سے شکست دی تھی ۔ بھارت کا اگلا میچ پاکستان کے ساتھ 19مارچ کو کولکتہ میں کھیلا جائے گا۔