کولکتا(نیوزڈیسک)قومی ٹی 20کرکٹ ٹیم کے نائب کپتان سرفراز احمدنے کہا ہے کہ بنگلا دیش اور بھارت کی کنڈیشنز میں فرق ہے، امید ہے کہ بلے باز یہاں مشکلات کا شکار نہیں ہوں گے، ایشیا کپ میں جو ہوگیا وہ ماضی ہے،ورلڈ ٹی ٹوئنٹی بڑا ایونٹ ہے۔ کولکتا میں پریس کانفرنس کرتے ہوئے سرفراز احمد کا کہنا تھا کہ پاکستان اور بھارت کے میچ میں بہت جوش و خروش ہوتا ہے، میگا ایونٹ میں خاص طور پر بھارت کے خلاف جو پرفارم کرتا ہے ہیرو بن جاتا ہے۔ انہوں نے کہا کہ بھارتی کپتان اور وکٹ کیپر بیٹسمین دھونی سے بہت کچھ سیکھنے کی کوشش کرتا ہوں، کوشش ہوتی ہے ان کی طرح میچ فنش کروں۔