لاہور (نیوز ڈیسک) فیس بک نے شکل تبدیل کرنے والی ایپ خرید لی ، اب آپ اپنا چہرہ کارٹون میں تبدیل کرنے کے ساتھ من چاہا میک اپ بھی کر سکتے ہیں۔ سماجی رابطوں کی سائٹ فیس بک استعمال کرنے والے صارفین کے لئے خوش خبری یہ ہے کہ فیس بک نے تصویروں میں ردوبدل کرنے والی ایپلیکیشن ’میسکیوریڈ‘ خرید لی ہے ، اِس ایپلیکیشن کے ذریعے سے صارفین حقیقی وقت میں اپنے ظاہری چہرے کو تبدیل کر پائیں گے ، اس کے ذریعے آپ اپنے چہرے کو کارٹون کی طرح بنا سکتے ہیں اور میک اپ بھی کر سکتے ہیں ، اِس میں براہ راست ویڈیو کے دوران کئی دیگر خصوصیات کا استعمال کیا جا سکتا ہے ۔