اسلام آباد(نیوز ڈیسک)تحریک انصاف کے چےئرمین عمران خان نے کہا ہے کہ پاکستان کرکٹ ٹیم کی حوصلہ افزائی کیلئے بھارت جارہا ہوں،پاکستان کرکٹ ٹیم کی باؤلنگ بہت زبردست ہے،ورلڈ کپ جیتنے کی خوشخبری آسکتی ہے۔نجی ٹی وی سے گفتگو کرتے ہوئے عمران خان کا کہنا تھا کہ میں اپنی طرف سے بھرپور کوشش کرونگا کہ کھلاڑیوں کی حوصلہ افزائی ہو،پاکستان کرکٹ ٹیم میں کافی ٹیلنٹ ہے لیکن ان کا ٹیلنٹ تقسیم ہوچکا ہے،اگر یہ اکٹھے ہو جائیں تو شاندار کامیابی حاصل کرسکتا ہے۔انہوں نے کہا کہ شاہد آفریدی نے مجھے ٹیلیفون کیا تھا،میں ان کے ساتھ ملوں گا۔انہوں نے کہا کہ ہوسکتا ہے ٹی ٹونٹی ورلڈ کپ میں پاکستان کو کامیابی حاصل ہو۔