لاہور (نیوز ڈیسک) ورلڈ ٹی 20 2016 پاک بمقابلہ بھارت شائقین کے دلوں کی دھڑکنیں بے قابو ہونے لگیں۔ 19 مارچ کو کولکتہ میں پڑے گا روایتی حریفوں کے درمیان زور کا جوڑ جس کے ہر لمحے سے محظوظ ہونے کے لیے شائقین بے چین ہیں ۔ ایشیائی پہلوانوں کے میچ کے بکنگ کا سلسہ جاری ہے ۔ بھارتی کرکٹ بوڑد نے ایڈن گارڈنز میں سیٹ بک کرانے کے لیے مداحوں کے لیے آن لائن سہولت متعارف کرا دی۔ ہزاروں کی تعداد میں رجسٹر ہونے والے شائقین میں سے ویب سائٹ صرف کچھ ہی کرکٹ لوورز کو چنے گی لیکن کچھ ہی خوش نصیب مداح قرعہ اندازی کے ذریعے اسٹیڈیم میں میچ کا مزہ اٹھا سکیں گے۔