لاہور(نیوز ڈیسک) آئی سی سی ٹی ٹونٹی ورلڈ کپ میں شرکت کے لئے بھارت جانے والی پاکستان کرکٹ ٹیم کے کپتان شاہد خان آفریدی نے کہا ہے کہ ورلڈ ٹی ٹونٹی میں اچھی پرفارمنس کے لئے تیار ہیں ، بھارت کے حالات ، صورتحال پس پشت ڈال کر جیت پر فوکس کرنا ہو گا ۔ گزشتہ روز سوشل میڈیا پر اپنے پیغام میں شاہد آفریدی نے کہا کہ حالیہ میچوں میں اچھی کارکردگی نہیں دکھائی لیکن بیٹسمینوں کو ذمے داری لینا ہو گی ۔ انہوں نے کہا کہ پاکستان کرکٹ ٹیم کو سپورٹ کرنے کی ضرورت ہے ،کھلاڑی ورلڈ ٹی ٹونٹی میں اچھی پرفارمنس کے لئے تیار ہیں ، بھارت کے حالات،صورتحال سب پس پشت ڈال کرکرکٹ کوفوکس کرناہوگا۔ انہوںنے مزید کہا کہ ہمیں صرف جیت پر فوکس کرنا ہو گا اور اتنا سکور بنانا ہو گا کہ باﺅلرز اس کا دفاع کر سکیں ۔