لاہور(نیوزڈیسک) قومی ٹی ٹوئنٹی ٹیم کے کپتان شاہدآفریدی نے کہا ہے کہ جس طرح کے بھی حالات ہوں بھارت میں اچھی کرکٹ کھیلنی ہے، خدانخواستہ شکست ہوئی تو حالات کو جواز نہیں بنائیں گے۔نجی ٹی وی کے مطابق کپتان شاہد آفریدی نے کھلاڑیوں سے ملاقات کی اور ٹی ٹوئنٹی ورلڈ کپ کی سکیورٹی کے حوالے سے ان کا حوصلہ بڑھایا۔ اس موقع پر کپتان نے کہاکہ 99 میں بھی ایسے ہی حالات تھے اور پاکستان ٹیم جیت کر آئی تھی۔ کھلاڑی ایسے ہی حالات میں اچھی کرکٹ کھیلنے کیلئے تیار رہیں۔کپتان آفریدی کا کہنا تھا کہ میگا ایونٹ سے پہلے جو حالات ہیں وہ پاکستانی ٹیم کے حق میں نہیں ہیں تاہم جس طرح کے بھی حالات ہوں بھارت میں اچھی کرکٹ کھیلنی ہے خدانخواستہ شکست ہوئی تو حالات کو جواز نہیں بنائیں گے۔