نئی دہلی( انٹرنیشنل ڈیسک) سابق قومی پیسر شعیب اختر نے پاکستانی کرکٹرز کے بارے میں بھارتی بیٹسمین وریندر سہواگ کے بیان کا ٹوئٹر پر جواب دیتے ہوئے کہا کہ ان جیسے عظیم کرکٹر کی جانب سے یہ تبصرہ ان کی ناپختگی کی علامت ہے کہ ہم صرف پیسے کی خاطر بھارتی کھلاڑیوں کی تعریفیں کرتے ہیں۔ دلچسپ بات یہ ہے کہ راولپنڈی ایکسپریس نے فوری طور پر یہ ٹوئٹ ڈیلیٹ بھی کر دیا۔ وریندر سہواگ نے اپنے بیان میں کہا تھا کہ پاکستان کے تمام سابق کھلاڑی محض پیسے کمانے کی خاطر بھارتی کرکٹرز کی مدح سرائی کرتے ہیں کیونکہ پیسہ انسان کو کچھ بھی کرنے پر مجبور کر دیتا ہے۔