دھرم شالا (نیوز ڈیسک) ورلڈ ٹی ٹونٹی میں سکیورٹی کی صورتحا ل کا جائزہ لینے کے لیے بھارت میں موجود پاکستانی ٹیم نے دھرم شالا کرکٹ سٹیڈیم کا دورہ مکمل کر لیاہے،آئی سی سی نے سٹیڈیم کے باہر سکیورٹی دینے سے انکار کردیا ہے۔ تفصیلات کے مطابق بھارت میںآ ج سے شروع ہونے والے ورلڈ ٹی ٹونٹی میں پاکستان اور بھارت کے مابین 19مارچ کو شیڈول مقابلے کی سکیورٹی کا جائزہ لینے کے لیے گئی 3رکنی پاکستانی ٹیم نے دھرم شالا کرکٹ سٹیڈیم کا دورہ کیا جہاں بھارتی حکام نے انہیں سٹیڈیم کے اندر سکیورٹی پلان سے آگا ہ کیا۔بھارتی میڈ یاکے مطابق پاکستانی ٹیم سٹیڈیم کے اندر سکیورٹی انتظامات سے مطمئن نظر آئی تاہم آئی سی سی نے سٹیڈیم سے باہر پاکستانی ٹیم کو سکیورٹی دینے سے انکارکر دیا ہے جس کے بعد اس میچ پردوبار ہ کالے بادل منڈلانے لگے ہیں۔