اسلام آباد(نیوز ڈیسک) پاکستان کے طویل قامت بولر محمد عرفان نے کہا ہے کہ لمبا قد ہونے کی وجہ سے میرے محلے داروں نے دیواریں اونچی کروالی ہیں۔محلہ داروں کا شکوہ ہے کہ میں نے انکا خرچہ کروا دیا ہے۔ایک انٹرویو میں انہوں نے کہا کہ جب میرے دوست نے مجھے بتایا کہ آپ کی وجہ سے ہمارا بہت خرچہ ہوگیا ہے تو میں بہت حیران ہوا۔میرے دوست کا کہنا تھا کہ گلی میں جاتے ہوئے آپ ہمارے دیوار سے دیکھ لیتے تھے اس لئے دیواریں اونچی کروائی ہیں۔محمد عرفان نے کہا میرے بڑے بھائی کا قد صرف ساڑھے پانچ فٹ ہے شاید اس کی وجہ یہ ہے کہ گھر کا سارا بوجھ ان پر تھا,بڑے بھائی کے علاوہ ہم سب ہی لمبے ہیں۔جب ٹیم کے ساتھ ہوتا ہوں تو ہوٹل کے بیڈ اکثر چھوٹے پڑ جاتے ہیں، تو مجھے ترچھا ہو کر سونا پڑتا ہے ۔انہوں نے کہا کہ جب میں کہیں جاوں تو کمرے میں داخل ہوتے ہی سب سے پہلے پنکھے پر دھیان جاتا ہے۔