ممبئی(نیوز ڈیسک) بھارتی کرکٹ ٹیم کے سابق اوپنر وریندر سہواگ نے الزام عائد کیا ہے کہ سابق پاکستانی کھلاڑی پیسوں کے لالچ میں بھارتی کھلاڑیوں کی تعریفیں کرتے ہیں۔ایک انٹرویو میں سہواگ نے کہا کہ سابق پاکستانی کرکٹرز پیسوں کے لئے بھارت میں کام کرتے ہیں اور اسی وجہ سے وہ انڈین کرکٹرز کی تعریفیں بھی کرتے ہیں۔سہواگ نے خاص طور پر راولپنڈی اپکسپریس سپیڈ اسٹار شعیب اختر کو نشانہ بناتے ہوئے کہا کہ وہ آج کل بھارتی کھلاڑیوں کی بہت زیادہ تعریفیں کررہے ہیں کیونکہ وہ بھارت میں پیسہ کمانا چاہتے ہیں اور وہ جانتے ہیں کہ بھارت کرکٹ کے لیئے ایک بہت بڑی مارکیٹ ہے اس لیئے وہ جب بھارتی کھلاڑیوں کے بارے میں اچھی باتیں کرتے ہیں تو یہ سب تعریفیں پیسہ کمانے کا چکر ہے۔سہواگ نے شعیب اختر کے علاوہ سابق پاکستانی فاسٹ بالر رانا نوید الحسن کو بھی تنقید کا نشانہ بناتے ہوئے کہا کہ وہ بھی آج کل بھارتی کرکٹرز کی بہت زیادہ تعریفیں کررہے ہیں جس سے معلوم ہوتا ہے کہ وہ بھی شعیب اختر سے متاثر ہیں اور اس بات کی امید رکھے ہوئے ہیں کہ انہیں اسٹار اسپورٹس یا کوئی اور بھارتی ٹی وی چینل اپنے پاس ملازمت پررکھ لے گا،غرض یہ کہ یہ سارے سابق پاکستانی کرکٹر بھارت میں پیسہ کمانا چاہتے ہیں۔