ڈھاکا (نیوز ڈیسک) بنگلہ دیش کرکٹ بورڈ نے زخمی فاسٹ باؤلرمستفیض الرحمٰن کی جگہ اوپننگ بلے بازتمیم اقبال کوایشیا کپ کے بقیہ مقابلوں کے لیے ٹیم میں شامل کرلیا۔بنگلہ دیش کرکٹ ٹیم کے فزیو بے جید الاسلام کا کہنا تھا کہ مستفیض الرحمٰن نے سری لنکا کیخلاف کھیلے گئے میچ کے بعد تکلیف کی شکایت کی تھی جس کے بعد ان کے ٹیسٹ کئے گئے اور رپورٹ میں ان کی اسٹرین انجری کی تصدیق ہوئی ہے۔بے جید الاسلام نے کہا کہ ’وہ زیرعلاج ہیں اور اگلے 48 گھنٹوں کے لیے مکمل آرام دیا گیا تا کہ ان کی بحالی شروع ہو‘۔’ہم توقع کررہے ہیں کہ وہ تیزی سے صحت یاب ہوں گے اور جلد باؤلنگ کا دوبارہ آغاز کریں گے‘۔تمیم اقبال بنگلہ دیش ٹیم کے مستقل رکن ہیں تاہم وہ اپنے پہلے بیٹے کی پیدائش کے باعث ایشیا کپ سے دست بردار ہوگئے تھے اب وطن واپس پہنچ کر ٹیم کے تربیتی کیمپ میں شامل ہوگئے ہیں۔ ۔