ریاض۔۔۔۔ داعش (ا ئی ایس ا ئی ایس) کے سعودی عرب میں داخل ہونے کی کوششوں کو معدوم کرنے کے لیے اہم اقدامات شروع کر دیئے ہیں۔سعودی عرب نے عراق کے ساتھ 966 کلومیٹر (600 میل ) طویل بارڈر پر سرحدی دیوار تعمیر کرنا شروع کر دی ہے۔واضح رہے کہ داعش یا الدول الاسلامیہ (ا ئی ایس ا ئی ایل) نے عراق اور شام کے وسیع رقبے پر قبضہ کیا ہوا ہے اور جون 2014 میں اس تنظیم کے سربراہ ابوبکر البغدادی نے خود ساختہ ’’خلافت ‘‘ کے قیام کا اعلان کیا تھا۔برطانوی اخبار ٹیلی گراف کی رپورٹ کے مطابق سعودی عرب میں عراق کے ساتھ سرحد پر دیوار کی تعمیر کا معاملہ 2006 سے زیر غور تھا، اس وقت عراق میں خانہ جنگی عروج پر تھی، مگر اس پر عمل درا?مد 2014 کے ا?خر میں شروع کر دیا ہے۔مکہ اور مدینہ میں اسلام کی اہم ترین عبادت گاہوں پر قبضہ بھی داعش کے اہم مقاصد بتائے جاتے ہیں۔واضح رہے کہ سعودی عرب کے شمالی علاقے میں عراق کے ساتھ سرحد کی دوسری جانب زیادہ تر علاقہ داعش کے قبضے میں ہے۔گزشتہ ہفتے بھی ایک سعودی چیک پوسٹ پر خود کش حملہ کیا گیا تھا، اس حملے میں شمالی سرحدوں کے انچارج جنرل احد البلاوی 2 اہلکاروں سمیت ہلاک ہو گئے تھے۔