اسلام آباد۔۔۔۔ حکومت نے ذکی الرحمان لکھوی کی نظربندی ختم کرنے کا فیصلہ سپریم کورٹ میں چیلنج کردیا ہے۔وزارت داخلہ کی جانب سے دائر درخواست میں اپیل کی گئی ہے کہ اسلام آباد ہائی کورٹ کو ذکی الرحمان لکھوی کی نظربندی کا فیصلہ ختم کرنے کا اختیار نہیں ہے اس لئے اسے فوری طور پر کالعدم قرار دیا جائے۔واضح رہے کہ ممبئی حملہ کیس میں ضمانت پر رہائی کے بعد حکومت نے انہیں اڈیالہ جیل میں نظر بند کردیا تھا تاہم اسلام آباد ہائی کورٹ نے ان احکامات کو کالعدم قرار دیتے ہوئے ان کی فوری رہائی کا حکم دیا تھا۔