پشاور(آن لائن)خیبر پختونخوا میں بارشوں ،زلزلوں اور دہشت گردی کے واقعات کے باعث شہری نفسیاتی مریض بن چکے ہیں سانحہ آرمی پبلک سکول کے بعد زلزلے کے خوفناک سانحہ سے نفسیاتی مریضوں کی تعداد میں اضافہ ہو رہاہے ۔ گزشتہ روز ہولناک زلزلے کے بعد سرحد مینٹل ہسپتال میں ذہنی مریضوں میں بھی شدید خوف و ہراس پھیلا اور ہسپتال میں موجودذہنی مریضوں نے زلزلے کے اوقات میں دوڑیں لگائیں ۔ دہشت گردی کے باعث پہلے سے ہی خیبر پختونخوا میں نفسیاتی مریضوں میں اضافہ ہو چکا ہے جبکہ قدرتی آفات کے بعد درجنوں کمزور دل کے شہری ہو ش و حواس بھی کھو بیٹھے ہیں۔