جمعہ‬‮ ، 29 اگست‬‮ 2025 

زلزلے کے شدید ترین جھٹکوں کے باعث ایف سی ہیڈ کوارٹر قلعہ بالا حصارکا ایک حصہ ٹوٹ کر گر گیا

datetime 27  اکتوبر‬‮  2015
ہمارا واٹس ایپ چینل جوائن کریں

پشاور(آن لائن ) پشاور میں زلزلے کے شدید ترین جھٹکوں کے باعث فرنٹیئر کور کے ہیڈ کوارٹر قلعہ بالا حصارکا ایک حصہ ٹوٹ کر گر گیا ہے ۔جبکہ پرانے خستہ حال سرکاری دفاتر کو بھی بری طور پر نقصان پہنچا ہے ۔ مال خانے کا ایک حصہ بھی گر گیا ہے جس کے باعث قیمتی ریکارڈ بھی ضائع ہونے کے امکانات ہیں۔ قلعہ بالا حصارکا ایک حصہ ٹوٹ کر گرنے کے باعث اسے عارضی طورپر ڈھانپ دیا گیا ہے جبکہ سیکورٹی کے لئے فرنٹیئر کور کے اہلکاروں کوبھی تعینات کردیا ہے حالیہ بارشوں کے باعث خستہ حال سرکاری مقامات ، رہائش گاہیں ، کچے مکانات پہلے سے ہی متاثر ہو چکے تھے جبکہ زلزلوں کے جھٹکوںکے باعث مزید متاثر ہو گئے ہیں جبکہ زلزلے کے باعث باچا خان انٹرنیشنل ائیر پورٹ پر پروازوں کا سلسلہ بھی عارضی طور پر معطل کردیا گیا ائیر پورٹ پر مسافروں میں شدید ترین خوف و ہراس پھیلا خواتین بچے چیخیں چلاتے رہے اندرون ملک اور بیرون ملک سے پروازوں کی لینڈنگ کے بعد جہاز سے باہر آنے والے مسافروں میں بھی شدید خوف و ہراس پھیلا اورمسافر گاڑیوں میں بیٹھنے کے بجائے جہاز کے ساتھ زمین پر سجدہ ریز ہو گئے اور اپنے گناہوں کی معافی مانگتے رہے حجاج کرام کی آنے والی پروازوں میں حجاج کرام نے خصوصی دعائیں مانگی ۔ زلزلے کے بعد شہرکے تمام بڑے ہسپتالوں میں ایمرجنسی نافذ کرکے تمام طبی عملے کو طلب کرلیاگیاجبکہ زخمیوں کو طبی امداد فراہم کرنے میں رش کے باعث مشکلا ت کاسامنا کرناپڑا ۔ پشاور سمیت دیگر اضلاع میں آنیوالے شدید زلزلے کے باعث پشاور کے بڑے ہسپتالوں میں زخمیوں سمیت لواحقین کی بڑی تعداد کے باعث ہسپتالوں میں رش پیداہونے سے طبی عملے کو سخت مشکلات کا سامنا کرناپڑا۔ جبکہ سیاسی رہنماﺅںکی ہسپتالوںکے دورے کے موقع پر سخت سیکورٹی سے زخمیوں کے لواحقین کو سخت مشکلات کا سامنا کرناپڑا۔ سیاسی رہنماﺅں نے ہسپتال انتظامیہ کو تاکید کرتے ہوئے بتایا کہ زخمیوں کو ہر ممکن طبی سہولیات کی فراہمی کو یقینی بنایاجائے۔ زلزلے کے بعد تمام ہسپتالوں میں ایمرجنسی نافذ کرکے ڈاکٹروں اور طبی عملے کی چھٹیاں منسوخ کردی گئیں اور تمام موبائل ہیلتھ یونٹس اورایمبولینسز کو متاثرہ علاقوں کو بھجوانے کے احکامات جاری کردیئے گئے ۔ ہسپتال انتظامیہ نے زخمیوں کے اضافے کے خدشے کے باعث خون کے عطیات دینے کیلئے اعلانات کرائے گئے ۔ زلزلے کے باعث شہریوں نے ہسپتالوں کارخ کرتے ہوئے خون عطیات دینے کیلئے جوق درجوق جمع ہوگئے ۔

آج کی سب سے زیادہ پڑھی جانے والی خبریں


کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…